تدري وش معنى غيابك ؟؟
يعني :
اسوأ شي شفته طول عمري,,
تبدي ضحكاتي هلا بك
وفي وداعك
ماينام الجرح بدري,,
وانت كيفك
شوف وش ناوي عليه
هاك قلبي وهاك سيفك
وسو فيني اللي تبيه !!
لا تحاتي ,,
صفح بكفيك جروحي,,
واشطب امالي وطموحي ,,
واعتبر قلبي كتابك ..!!
تدري وش سوى غيابك ؟
موت غيابك سوالف,,
مايخوفني زماني ,,
بس من فرقاك خايف ,,
فجأه اصحى وما اشوفك
لا تهددني ظروفك
اعتبرني حلم ..
واقع ..
والا ظل مايطوفك ,,
ضامي ,, عطشان
جيتكـ
لايعشمني سرابك ..
تسمح بكلمه ؟؟
بغيـــــــــــــــــــــتك ,,
قبل لا تبدي غيابك .
تدري وش حطم غيابك ؟؟
مركب بداخل شعوري ,,
من نسى قلبك حضوره ,,
قلبي ماواجه شعوره
عندي مابه شي ضروري
فاقد احساس الاماني ,,
لا مراسي ولا مواني ,,
وصارت الدنيا قسى وصار دوري
اعشق انواع الارق
والفظ انفاس الغرق ,,
وصوت معناه الخطر ,,
وقلب ميت يحتظر
من غيابك السلامه ,,
قلبي فيها مارسى
لا صباحي هو صباحي
ولا مسا قلبي مسى ,,
ياحبيبي في غيابك
اختلف شكلي ولوني ,,
صرت انا انسان ثاني
والسهر اتعب عيوني ,,
والسؤال اللي ذبحني ,,
صدق هوفعلا نسى ,,
راح واهداني الاسى
ماوصلت الا لحقيقه ..
الجفا اسهل طريقه للقسى ,,
تدري لو ينطق غيابك
بس بسأل وين كنت ؟؟
ووين رحت بغيبتي !!
وبسألهـ عن وضع قلبك ..
هنت عنده او ماهنت ,,
ياللي من غيرك حياتي ..
مالها داعي ومعنى ,,
صار قلبي مايحاتي ..
بعد ماتخليت عنهـ
ايه كل الناس عندي
بس مابيهم بدونك ,,
تدري ياعمري بأنك
عندي كل الناس انت
ومهما تجرحني مسامح
وكل طعناتك عوافي ,,
عشت وافي لدنيتك وبموت وافي ,,
وما اخونك لو تجافي ,,
ماهو انا
ان ضاقت علي الدنيا
خنتــ
غيبتك قسمه ونصيب ,,
خلني اشره عـ( الزمن )
ياحبيبي ماهو عيب ,,
ان بكى فيني الوزن
( ياتصيب ياتخيب )
فكره . في بالي تزن ,,
انت اكثر من حبيب ,,
انت لي معنى .. وطن ,,
وانا من غيرك ‘‘ غريب ‘‘
ما اساوي اي ثمن ,,
وانت اقرب من قريب ,,
رمش وشعوري جفن ,,
ولما عن عيوني تغيب ,,
لا مدينه ولا سكن ,,
مآآآآآآآآت احساسي . العجيب ,,
وصرت ابحث عن كفن ,,
ماهو كل جرح يطيب ,,
وماهو كل حزن ,, حزنــ ,,
تدري وش ناتج غيابك ,,
زادت لقلبي الهموم ,,
الفرح .. عني مسافر
وحزني ضيفي كل يوم ..
صرت اسأل
صرت ضايع ,,
حلم هذا او حقيقه ,,
كنت شاري وانت بايع ..
به مثل هالضيقه ضيقه ,,
عطني من وقتك دقايق .
شوف وش فيني وروح !!
ياحبيبي حيل ضايق ..
حس مره بالجروح ,,
يعني جرحي مايهمك ..
وعادي عندك لو اضيق
انسى ان اسمك حبيبي ..
صير لي عون وصديق ,,
ليه قلبك مايبالي ..
وقلبي محتاجك يبيك ,,
انت عندي شخص غالي ..
تكفى لاتصدمنـــــــي فيـــــــــــــــــك
مابقي لي شخص غيرك
واعتيازي لك تعبــ
ايه محتاجك وشوقي
نـــــــــــار وغيابك حطب ,,
الإثنين يوليو 07, 2008 7:22 am