[وقف وأخُذ كلمات بالصدر رنـت
صالت بصدرى لين للوصل غارت
سنيت فينى لوعةٍ كيـف سنـت
قطاعةٍ .. قبلك فلا قيل صـارت
ليتك عرفت ش كثر الاضلاع كنت
نزف الجروح اللى بغيبتك فـارت
إليا تذكرتك من الشـوق ونـت
تنهيدةٍ جوف الضلوع إستـدارت
البارحه ذكـراك للجـرح دنـت
طعناتها اللى داخل القلب سـارت
خيل السهَد من غيبتك ما استكنت
ليتك تحس بداخلى كيف جـارت
شفها فديتك كيف جارت وجنـت
وإليا هدت من ريحة العطر ثارت
والدمعه اللى منك فيهـا تعنـت
تبغى النزول وداخل العين حارت
كيف الليالي فيك بالوصل منـت
وعهودك اللى ماضيه كيف بارت
ليت الهواجس تنعطـا لاتمنـت
وأبلغّـك كلمـات بالصـدر دارت
أشتقت وعيونى لشوفتـك حنـت
لكنها عقب الغيـاب إستخـارت[/color][/b]
الإثنين يوليو 07, 2008 6:17 am