سكون الليل من حولي يهيج داخلي بركان
.......................... يغرّق ذابل عيـون الكسير ، بأطهر دمووعه
على حالي ، وانا حالي ، مَهو حالي ولا منزان
.......................... أراقب بزغة الفجر ، وأقول ألحين يـَ رجوعه
دخيل الله ياسرب الحمـام اللي غدى تيهان
.......................... أنا قلبي مثل قلبك ، جريح ، وزادت وجووعه
تعال وشيلني فوق السحاب ورفرف الجنحان
.......................... تعال وطير بي ( فوق الهموم ) ، وطيّر اللووعه
{ ثلاث سنين من عمري بلا وصل وبلا تحنان
.......................... وأنا من يوم ماشفتك ، بذور العشق مزروعه }
ثلاث سنين والدنيـا بلا طعم ، وبلا ألواان
.......................... يغطي لونها الدامس ويمنع قلبي .. هجووعه
تعال وبلل أريـاق الوصال وإروي العطشان
.......................... تعال وناظر الأحزان في عيــنيه مطبووعه
تعبت أطارد أسراب الأمل وأعاشر الأحزان
.......................... تعال وشتّت أوراق الغياب ، وقطع جذووعه
ثلاث سنيـن ماترحم فؤاد اللي غدا هلكان
.......................... ثلاث سنين والبسمه ثلاث سنين ، منزووعه
توردني على عشقك ، ويرجع خافقي ضميان
.......................... تأمل حالته قلبي .. ( وحيد ومات من جوعه )
تعب ينسج على صدر النجوم ويعزف الألحان
.......................... تعال وشوف نوتات الخلاوي كيف مفجوعه
مدام ان الحكي زايل وغصنك ياللقى ذبلان
.......................... تِحمّل شدة الصحراء ، وسامح قلب ، ورموعه
مسافر ببتعد وانسى حياة ٍكلها حرمـان
.......................... مسافر دامها بيدي حبــال الوصل مقطووعه
دخيل الله ياسرب تعلّى ، رفرِف الجنحان
.......................... تعال وطير بي فوق .. الهموم وطيّر .. اللوعه
الإثنين يوليو 07, 2008 4:09 am
