علمونا في المدارس كيف نقرى ذا الحروف..
علمونا كيف نرسم كيف ننقش با النحاس..
علمونا كيف نكتب كيف نبدع بالوصوف ..
كيف نبحر بالمعاني كيف نا خذها التباس..
علمونا كيف نصبر كيف نقوى هالظروف..
كيف نبني هالمواقف استجابه للحواس..
وان حفظنا كافؤنا وان نسينا بالكفوف..
كل موقف له طريقه والجزاهوالاساس..
فوق هذا سلمونا ولا منعو عشق يلوف ..
ولا عطونا درس قاسي يمنع الحب النعاس. .
يمنع القلب يتمادى ثم ياخذنا حتوف ..
بين موت وبين شوق وبين لذة سم كاس ..
اتركونا للمشاعر نحترق لوعه وخوف..
نحترق بطول مسافه كلها شوك يداس ..
واتركونا باصحاري ثوب مشقوق الكتوف ..
يحتوينا شتا حب في عذابه مات ناس..
ليتهم ماعلمونا بس عطونا بالوقوف..
درس ماشي به نماشي قسوة الحب ويباس..
ليتهم بس علمونا كيف نطفي نار جوف ..
كيف نمنع ذا الخفوق ونتركه بأرض مساس..
ما يجيبه الود لحظه ولا نغني بالحسوف..
ولا نقول وشلون عشنا والعمر ماله قياس..
((هي اماني ))والا ماني حلمها فينا يطوف..
إن خذتنا بالحقيقه ماخذتنا باختلاس..
وليتهم وسط المدارس ماعطونا ذا الحروف..
ولا عطونا كيف نرسم كيف ننقش بالنحاااس..
الإثنين يوليو 07, 2008 4:01 am
سعادتي بردك ما تنوصف يا منبع الذوق