علمتني دنيتي أقسـى معـاني الانفصـام
أتـركـك واشتـاق وارجـع ألقى قلبـي بك جريح
يعنـي متوقـع حبيبي وانت متضـايق بانـام؟
والافي بالـك بأني في غيـابك باستـريح
والا يعنـي في بعـادك بانسـى حبــــــك والغـرام
لا حبيبـي لا حبيبـي لا حبيبـي مو صحيـح
أقسـم بربـي أنا ما عاد فيني للكـــــلام
لويجـي أي حد يناظـر في عيونـي راح أصيـح
وش فوايـد هالسفـر مادامنا هم وخصـام
من تركـت الدار قلبـي كل مايشكـي أطيـح
كلهـا عشـرين يوم وكل يـوم مـر عـام
وانت ماحسيـت فيني أنت والإحسـاس ميـح!!؟
ولمـا ترجع لي أعـود لك وانا اهمـس :ياحرام
مارضـى قلبي يشوفـك وانت من جرحـك طريـح.
.
وانته لصـدري تصـوب غيبتـك هـم وسهــام!!
بالجـروح انت الكـريم وبالوصـال انت الشحيــح
مابقـى صبر في صدري كل مافيني حطـام
شف بقايا قلـب حبــــــــــك والله المنظـر قبيـح
احترمنـي كان باقي للغــلا فيك احترام
وان بغيت تغيب كيفـك ملت البيبـان ريـح!!
انا أدري بحال قلبـي:إنفصـام بانفصـام
باتركـك واشتاق وارجع ألقـى قلبي بك جريح
بس انا قررت أسافر ياحبيبـي :انتقـام!!!
صـرت أصـدق من يســـافر عن دياره يستـريح
الإثنين يوليو 07, 2008 3:08 am