دخيلـكـ لا تبــكينــى ؟؟

يضيق الصدر.. لاشفتك.. حبيبي تمسح دموعكـ
ترى مااقوى على حزنك.. لك الله لاتبكّيني

حبيبي للفرح دايم.. ابيك اتوّقد شموعك
وابا زورك.. وابفرح به.. لو انه مايدانيني

وش اللي صار بـاحوالك.. طلبتك قول موضوعك
ألى هالحد تغليني.. وماودك تعنيّني

تعال وشوفها احزانك.. بَنَت في روحي افروعك
هدمت افراح من شانكـ.. وماتن بي بساتيني

حراااام ارتاح في نومي.. إذا ماارتحت بهجوعك
قسم بالله مااخونك.. مدامك حيل تغليني

تراك النور لعيوني ..طلبتك جود بطلوعك
أنا المجنون والتايه.. وليل الهم معميني

ومدامك مكسف وذابل ..وزايد ياسك وروعكـ
أنا لامن دخلت الويل ضايع.. من يقدّيني؟!

وليل من الفرح يبكي ..يبيك اتجود برجوعك
وهمّاً ياتلف حالي.. كفر بي.. لاعباً فيني

حبيبي وش تبي قلي.. أنا كلي رهن طوعك
علامكـ يابعد عمري.. حزين وماتحاكيني

تعـــال وخذ من اشعاري.. تسّلا عطني سموعك
وإذا ماجاز لك شعري.. حرام تخطه يديني

تبي قلبــــي ترى جالكـ.. رحل لك ..داخل ضلوعــكـ
تبي روحي ..تبي فرحي.. تبي مالي.. تبي عيني

حبيبي جيتك بدمعي.. وودي تمسح دموعك
أنا غصّتني العبره.. دخيلك لاتبّكينـــي..!

صح لسانك يا سمو الاميره
والله يعطيك العافيه

منور اخوي الامير وهذا من ذوق