شوفو ايش قال :--
اتعبني الترقيم مـن سـوق فـي سـوق
كنـي موظـف فـي ساحـات الأسـواق
لزقـت فيهـا لزقـت علـوك (باطـوق)
حتـى عرفنـي كـل بـايـع وســواق
مـن شافنـي يقـول تاجـر ومرمـوق
في اللبس انـا رسمـي ورايـق وذواق
وانـا منتـف فـي الحقيقـة ومزنـوق
حظي مجنـب بـي عـن دروب الأرزاق
عقلـي مـن الخرافـات لاذع ومحـروق
من يفتحون السوق وأنـا علـى سـاق
الحـق بنـات النـاس هايـم ومطفـوق
ومخبـاي مليانـه مـن أركـان الأوراق
شبكت (هند) و( ريم) والثالثـة (شـوق
والرابعة والخامسه( وعـد) و(أشـواق)
دايـم وجوالـي علـى الأذن ملـصـوق
محبوبتـي ماتحتمـل بـعـد وفــراق
تقول (ثامر) واسمـي الصـدق (محمـد)
لا يابعد (ثامـر) و(محمـد) و(اسحـاق)
ألعـب عليهـا لعـب عشـق بمعشـوق
وأبني بـرأس الحلـوه جسـور وأنفـاق
هذي سلوم....أهل الهوى كلها بـووووق
أكثر ضحايا الناس في هذا الوقت عشااااق
الثلاثاء يوليو 08, 2008 12:20 am
